دنیا سے ختم ہونے والا کورونا بھارت میں پھر سر اٹھانے لگا، حالات سنگین

دنیا بھر سے ختم ہونے والے کورونا وائرس نے بھارت میں ایک بار پھر سر اٹھا لیا ہے، جہاں 24 گھنٹوں میں کورونا سے 4 افراد ہلاک ہوگئے ہیں۔

بھارتی میڈیا کے مطابق ملک میں کورونا وائرس کے صرف 24 گھنٹوں میں 752 نئے کیسز رپورٹ ہوئے ہیں جو رواں سال 21 مئی کے بعد سے اب تک کے سب سے زیادہ رپورٹ ہونے والے کیسز ہیں۔

اسی حوالے سے یونین ہیلتھ منسٹری کا ایک بیان میں کہنا ہے کہ 752 نئے کیسز رپورٹ ہونے کے بعد بھارت میں اب ایکٹو کورونا کیسز کی تعداد 3 ہزار 420 ہوگئی ہے۔

میڈیا رپورٹس میں بتایا گیا ہے کہ گزشتہ 24 گھنٹوں میں 4 افراد کورونا وائرس کی وجہ سے موت کے منہ میں جا چکے ہیں جن میں سے 2 کا تعلق ریاست کیرالا، ایک کا راجستھان اور ایک کا تعلق کرناٹکا سے ہے۔