ملک بھرمیں کورونا کے باعث 242افراد جاں بحق،متاثرہ افراد کی تعداد11560 ہوگئی

اسلام آباد:پاکستان میں کورونا وائرس کے سبب242 افراد جاں بحق اور متاثرہ افراد کی تعداد11560 ہوگئی،80 مریضوں کی حالت تشویشناک بتائی جا رہی ہے،اب تک 2527 مریض صحتیاب ہوچکے ہیں۔

نیشنل کمانڈ اینڈ کنٹرول سینٹر کی جانب سے جاری کردہ اعداد و شمار کے مطابق ملک بھر میں کورونا کی تشخیص کے لیے مجموعی طور پر ایک لاکھ 31 ہزار 365 ٹیسٹ کیے گئے، کورونا کے سب سے زیادہ مریضوں کی تعداد صوبہ پنجاب میں سامنے آئی ہے۔

سندھ میں کورونا وائر س کے 3945مریض ہیں۔پنجاب میں 4851، خیبرپختونخوا 1541، بلوچستان 656 اورگلگت بلتستان میں 300 کیسزرپورٹ ہوچکے ہیں۔اسلام آباد 214 اور آزاد کشمیر میں 55 مریض ہیں۔

نیشنل کمانڈ اینڈ آپریشن سنٹر کے مطابق ملک بھر میں اب تک 2527 مریض صحتیاب ہوچکے ہیں۔جبکہ صحت یاب ہونے والے افراد کو سخت احتیاط برتنے کا کہا گیا ہے۔

واضح رہے کہ کورونا وائرس کے خطرات کے پیش نظر حکومت کی جانب ابھی تک ملک بھر میں لاک ڈاؤن کی صورتحال کا سامنا ہے، جبکہ کچھ کاروبار جزوی طور پر کھولا جارہا ہے۔