گوگل نیوز پر ہمیں فالو کریںاسلام آباد: مسلم لیگ ن کے صدر میاں محمد شہباز شریف کے وزیر اعظم منتخب ہونے پرنیوزی لینڈ کی وزیراعظم جسنڈا آرڈرن نے مبارکباد پیش کی ہے۔
نیوزی لینڈ کی وزیراعظم کا شہباز شریف کے لئے نیک خواہشات کا اظہار کرتے ہوئے کہنا تھا کہ تمام شعبوں میں شراکت داری کو مزید بڑھانے کیلئے آپ کے ساتھ کام کرنے کی منتظر ہوں۔
خیال رہے کہ اس سے قبل ترکی کے صدر رجب طیب اردوان اور بھارتی وزیراعظم نریندر مودی بھی وزیراعظم شہباز شریف کو مبارکباد پیش کرچکے ہیں۔
وزیراعظم شہبازشریف کو ترکی کے صدر رجب طیب اردوان نے ٹیلیفون کیا اور وزیراعظم منتخب ہونے پر مبارک پیش کی، انہوں نے کہا کہ آپ کے وزیراعظم منتخب ہونے کی خبر پر بے حد مسرور ہوں، یقین ہے آپ کی قیادت میں پاک ترکی برادرانہ تعلقات میں مزید مضبوطی آئے گی۔
وزیراعظم شہبازشریف نے ٹیلی فون کرنے اور مبارکباد پر صدر اردوان کا شکریہ ادا کیا اور کہا کہ پاکستان اور ترکی بااعتماد بھائی ہیں۔
یہ بھی پڑھیں:پاکستان کی قیادت تبدیل، چین کا مثبت ردِ عمل، امریکا کا غیرجانبداری کا مظاہرہ
دوسری جانب سے بھارتی وزیر اعظم نریندر مودی نے بھی اپنے سوشل میڈیا اکاؤنٹ پر ٹوئٹ کرتے ہوئے وزیر اعظم محمد شہباز شریف کو مبارکباد پیش کی اور نیک تمناؤں کا اظہار کیا۔
Congratulations to H. E. Mian Muhammad Shehbaz Sharif on his election as the Prime Minister of Pakistan. India desires peace and stability in a region free of terror, so that we can focus on our development challenges and ensure the well-being and prosperity of our people.
— Narendra Modi (@narendramodi) April 11, 2022
