گوگل نیوز پر ہمیں فالو کریںکراچی: وفاقی وزیر برائے بحری امور علی حیدر زیدی نے کہا ہے کہ کراچی میں کے الیکٹرک کو زیادہ تر مراعات اور رعایتیں پاکستان پیپلز پارٹی (پی پی پی ) کے دور میں دی گئیں۔
سماجی رابطے کی ویب سائٹ ٹوئٹر پر اپنے پیغام میں وزیرِ بحری امور علی زیدی نے کہا کہ 2008ء میں جب پی پی پی کے موجودہ چیئرمین بلاول بھٹو زرداری اپنے کھلونوں کے ساتھ کھیل رہے تھے، کے الیکٹرک کو گیس لوڈ مینجمنٹ کی منظوریاں پیپلز پارٹی حکومت کی وفاقی کابینہ نے دیں۔
پیغام میں وزیرِ بحری امور علی زیدی نے کہا کہ پیپلز پارٹی کی وفاقی کابینہ اُس دور میں پارٹی کے موجودہ شریک چیئرمین، سابق صدرِ مملکت اور بلاول بھٹو کے بدعنوان والد آصف علی زرداری کے کنٹرول میں تھی جس کے تحت کے الیکٹرک کو سن 2008ء سے 2013ء تک زیادہ تر رعایتیں دی گئیں۔
Back in 2008, when Bilawal was still playing with his toys, all Gas Load Management approvals were given by a PPP cabinet under his corrupt daddy’s control! Most of the concessions under which @KElectricPk is operating were granted during 2008-2013.
— Ali Haider Zaidi (@AliHZaidiPTI) July 14, 2020
وفاقی وزیر علی زیدی نےکہا کہ دلچسپ امر یہ ہے کہ نیشنل الیکٹرک پاور ریگولیٹری اتھارٹی (نیپرا) نے کے الیکٹرک کے ٹیرف کا معاملہ 2009ء میں پی پی پی کے دورِ اقتدار میں اٹھایا۔ کے الیکٹرک کو چاہئے کہ بلاول کے احمقانہ الزامات کا جواب دے کر خود کو بے قصور ثابت کرے۔
وزیرِ بحری امور علی زیدی نے کہا کہ کراچی کے عوام کا حق ہے کہ سچ ان تک پہنچایا جائے۔ اس کے بعد وفاقی تحقیقاتی ادارے (ایف آئی اے) کو چاہئے کہ معاملات کی تحقیق کرے تاکہ دودھ کا دودھ اور پانی کا پانی ہوجائے۔
Interestingly, NEPRA opened @KElectricPk tariff out of turn in 2009 in PPP Govt.
KE must officially respond to all of Bilawal’s nonsensical rants & come clean. The people of KHI deserve to know the truth. After that, let FIA probe it once & and for all.— Ali Haider Zaidi (@AliHZaidiPTI) July 14, 2020
دوسری جانب وفاقی وزیر علی زیدی نے کہا کہ عارف نقوی کی قسمت کا فیصلہ عدالت کرے گی لیکن ہم نے امن فاؤنڈیشن کو کراچی میں سماجی بہبود کا بہترین کام کرتے ہوئے دیکھا ہے۔ امن ایمبولینسز عوام کی زندگی بچاتی ہیں۔
علی حیدر زیدی نے ایک ویڈیو شیئر کرتے ہوئے سوال کیا کہ کیا پیپلز پارٹی کے شریک چیئرمین بلاول بھٹو زرداری نے عالمی میڈیا کی بنائی ہوئی یہ زبردست فلم دیکھی ہے جو ان کے والدین آصف زرداری اور بے نظیر بھٹو پر بنی؟
Re: Arif Naqvi, the court of law will decide his fate.
But we have seen his Aman Foundation do great work in Karachi with their life saving ambulances.
Btw, have u seen this great film BBC made on your parents? https://t.co/wK8fqRJUyk— Ali Haider Zaidi (@AliHZaidiPTI) July 14, 2020
