مذہبی جماعت کے دھرنوں میں ہونیوالے نقصان کے تخمینے کیلئے کمیٹیاں قائم

راولپنڈی:فیض آباد لیاقت باغ اور دیگر مقامات میں 03روز جاری رہنے والے پرتشدد مظاہروں میں جانی نقصان کے ساتھ کروڑوں روپے کی املاک کو نقصان پہنچایا گیا۔نقصان کے تخمینے کے لیے مختلف کمیٹیاں قائم کر دی گئیں ہیں۔

دھرنوں کے سبب سب سے زیادہ نقصان میٹرو بس سسٹم کی تنصیبات کو پہنچایا گیا، مظاہرین نے مری روڈ پر پارکنگ میں کھڑی موٹر سائیکلوں کو تباہ کیا ان کو آگ لگائی گئی۔

ٹریفک سگنلز اور پولیس چوکیاں نذر آتش کی گئیں، میٹرو بس ٹریک کی ٹائلز ٹوڑ کر پتھر بنائے گئے،وہی پتھر فورسز پر پھینکے گئے مختلف اداروں کی املاک کو نقصان پہنچایا گیا۔

ان میں آر ڈی راولپنڈی ڈویلپمنٹ اتھارٹی ہارٹی اینڈ ہارٹیکلچر ہے،پولیس اور دیگر اداروں کا کہنا ہے کہ نقصان کا تخمینہ لگانے کے لیے مختلف اداروں نے کمیٹیاں تشکیل دے دی ہیں۔

رینجرز اور پولیس کے آپریشن کے بعد راولپنڈی میں زندگی معمول پر آ چکی ہے،لوگ بازاروں میں معمول کی مطابق خریداری میں مصروف ہوگئے ہیں۔