گوگل نیوز پر ہمیں فالو کریںکراچی: پاکستان کے مشہور ٹی وی میزبان عدنان فیصل کے راکھی ساونت کو لباس ٹھیک کرنے سے متعلق پیغام پر بھارتی شائقین کا شدید ردعمل تاہم میزبان اپنے مؤقف پر قائم ہیں۔
حال ہی میں ایک انٹرویو کے دوران پاکستانی ٹی وی میزبان عدنان فیصل نے بھارتی اداکارہ راکھی ساونت کو “لباس درست کرنے” کا مشورہ دیا، جس پر بھارتی میڈیا اور سوشل میڈیا صارفین نے سخت ردعمل دیا اور بھارتی اخباروں نے اس بات کو نمایاں کوریج دی۔
View this post on Instagram
عدنان فیصل نے اپنے بیان کی وضاحت کرتے ہوئے کہا کہ ان کا تبصرہ کسی کی دل آزاری کے لیے نہیں تھا بلکہ یہ پاکستانی ثقافت اور اخلاقی اقدار کی نمائندگی کرتا ہے۔ انہوں نے کہا کہ وہ ایک مہذب اور باوقار کلچر کے حامی ہیں اور چاہتے ہیں کہ شو میں مہمان ایسا لباس پہنیں جو پاکستانی روایات اور ثقافتی اصولوں کے مطابق ہو۔
عدنان فیصل کے تبصرے پر بھارتی میڈیا اور سوشل میڈیا صارفین نے شدید ردعمل دیا اور انہیں “غیر مہذب” اور “بدتمیز” قرار دیا۔ تاہم پاکستانی صارفین کی ایک بڑی تعداد نے میزبان کے مؤقف کی حمایت کرتے ہوئے کہا کہ ہر ملک کو اپنی روایات اور اقدار کی پاسداری کا حق حاصل ہے۔
پاکستانی سوشل میڈیا صارفین نے بھی عدنان فیصل کے حق میں آواز بلند کی۔ ان کا کہنا تھا کہ پاکستان ایک اسلامی ملک ہے، جہاں لباس سے متعلق کچھ بنیادی اصول موجود ہیں، اور کسی بھی مہمان کو ان ثقافتی روایات کا احترام کرنا چاہیے۔
View this post on Instagram
یہ معاملہ بین الاقوامی میڈیا میں بھی زیر بحث آ چکا ہے، جہاں ایک طرف ثقافتی حساسیت اور آزادیٔ اظہار پر گفتگو ہو رہی ہے، تو دوسری طرف عدنان فیصل کے حامی ان کے حق میں دلائل دے رہے ہیں۔ عدنان فیصل نے واضح کیا کہ وہ اپنے مؤقف پر قائم رہیں گے اور پاکستانی ثقافت و روایات کے مطابق اپنی میزبانی جاری رکھیں گے۔
