گوگل نیوز پر ہمیں فالو کریںسورج کے گرد 6000 سال میں ایک چکر مکمل کرنے والے ایٹلس نامی دُمدار ستارے نے پگھلنا شروع کردیا ہے۔
سماجی رابطے کی ویب سائٹ ٹوئٹر پر امریکی خلائی تحقیقاتی ایجنسی ناسا نے خلائی دوربین ہبل کی جاری کردہ تصاویر جاری کردیں جن کے مطابق دُمدار سیارہ پگھل رہا ہے۔
نیشنل ایروناٹک اینڈ اسپیس ایڈمنسٹریشن (ناسا) کے مطابق ایٹلس نامی اِس دُمدار ستارے کا پگھل کر ٹکڑوں میں تقسیم ہوجانا خلائی تحقیق کی دُنیا میں ایک معمول کی بات ہے۔
New @NASAHubble images show comet ATLAS disintegrating, yielding new evidence that breakups are fairly common: https://t.co/MfdIAf5upv pic.twitter.com/cRsmzd2ylI
— NASA (@NASA) April 29, 2020
یاد رہے کہ اس سے قبل پیش گوئی کی گئی کہ اٹلس نامی دُمدار ستارہ جو تیز رفتاری سے سورج کی طرف بڑھ رہا ہے آئندہ 1 ماہ میں مزید روشن نظر آئے گا۔ مئی تک یہ ستارہ کسی دور بین کے بغیر بھی دیکھا جاسکے گا۔
گزشتہ برس 29 دسمبر کو دریافت ہونے والا دُمدار ستارہ 27 مارچ تک زمین سے 27 کروڑ کلومیٹر دُور تھا جب یہ پیشگوئی کی گئی۔ ستارے نے مریخ کا مدار عبور کر لیا تھا اور اِس کی روشنی اتنی تھی کہ عام دوربین کی مدد سے اسے دیکھا جاسکتا تھا۔
مزید پڑھیں: ایٹلس نامی دُمدار ستارہ مئی تک مزید روشن نظر آئے گا
