گوگل نیوز پر ہمیں فالو کریںعالمی شہرت یافتہ صوفی گلوکارہ عابدہ پروین کی صحت سے متعلق ان کی ٹیم نے وضاحتی بیان جاری کرتے ہوئے مداحوں کو ان کی خیریت کی یقین دہانی کرائی ہے۔
گزشتہ دنوں اداکارہ مایا علی نے قطر میں منعقدہ ایک نمائش کے دوران عابدہ پروین کے ساتھ ایک یادگار تصویر اور ویڈیو سوشل میڈیا پر شیئر کی تھی۔ ویڈیو میں گلوکارہ کو وہیل چیئر پر بیٹھے دیکھ کر مداحوں میں تشویش کی لہر دوڑ گئی اور مختلف قیاس آرائیاں کی جانے لگیں کہ وہیل چیئر کا استعمال کیوں کیا جا رہا ہے۔
View this post on Instagram
اس تشویش کے جواب میں عابدہ پروین کی ٹیم نے فوٹو اور ویڈیو شیئرنگ ایپ انسٹاگرام پر اپنی انسٹا اسٹوری کے ذریعے مداحوں کو آگاہ کیا کہ گلوکارہ بالکل خیریت سے ہیں، الحمدللہ۔
ٹیم نے وضاحت کی کہ جس نمائش میں عابدہ پروین شریک تھیں، اس کا راستہ بہت طویل تھا۔ زیادہ تر راستہ انہوں نے خود طے کیا، لیکن آرام اور سہولت کے لیے انہیں وہیل چیئر فراہم کی گئی تاکہ وہ غیر ضروری طور پر زیادہ نہ چلیں۔
اداکارہ ممتا کلکرنی نے دنیاوی زندگی ترک کرکے ’مائی ممتا نند گیری‘ کا روحانی سفر اختیار کر لیا
عابدہ پروین کی ٹیم نے مداحوں کی محبت اور فکر کا شکریہ ادا کرتے ہوئے ان کی صحت یابی اور خیریت کی دعا کرنے والوں کا تہہ دل سے شکریہ ادا کیا۔ انہوں نے کہا کہ گلوکارہ کی صحت اچھی ہے اور وہ مداحوں کی دعاؤں اور محبت کی ہمیشہ قدر کرتی ہیں۔
