چیئرمین جوائنٹ چیفس آف اسٹاف کو ترکی کے اعلیٰ فوجی اعزاز سے نوازا گیا

انقرہ: چیئرمین جوائنٹ چیفس آف اسٹاف کمیٹی جنرل ندیم رضا کو ایک پروقار تقریب کے دوران ترکی کے اعلیٰ فوجی اعزاز سے نوازا گیا۔

چیئرمین جوائنٹ چیفس آف اسٹاف کمیٹی ندیم رضا نے ترکی کے وزیر دفاع اور عسکری قیادت سے اہم ملاقاتیں کیں،جس میں باہمی دلچسپی کے امور دونوں ممالک میں دفاعی تعاون اور انسداد دہشت گردی سمیت دیگر معاملات پر تبادلہ خیال کیا گیا۔

Pakistan’s top military commander visits Turkey to further strengthen ???????????????? defence ties.https://t.co/9UDsVj34bU pic.twitter.com/WHYqguH4jU

— Pakistan Embassy Turkey (@PakinTurkey) March 31, 2021

پاک فوج کے شعبہ تعلقات آئی ایس پی آر کے مطابق ترک عہدیداران سے ہونے والی ملاقاتوں میں علاقائی صورتحال اور افغانستان کے امور پربھی تفصیلی تبادلہ خیال کیا گیا۔

اس موقع پر دفاعی پیداوار سمیت مختلف شعبوں میں باہمی تعاون بڑھانے کے عزم کا اعادہ کیا گیا، ترک عسکری قیادت نے دہشت گردی کیخلاف افواج پاکستان کی قربانیوں کوسراہا۔

آئی ایس پی آر کے مطابق جنرل ندیم رضا کو ترک فوجی اعزاز لیجن آف میرٹ سے نوازا گیا، چیئرمین جوائنٹ چیفس آف اسٹاف کمیٹی کو ایوارڈ دینے کی تقریب ترک جنرل اسٹاف ہیڈ کوارٹرز میں منعقد کی گئی۔

مزید پڑھیں: ایک قوم ایک منزل، آئی ایس پی آر نے یومِ پاکستان کا ملی نغمہ ریلیز کردیا