گوگل نیوز پر ہمیں فالو کریںکنگسٹن: ویسٹ انڈین کرکٹ کے اسٹار بلے باز کرس گیل نے اب موسیقی میں بھی نام کمانے کا فیصلہ کرلیا۔ کرس گیل نے 2020 میں ایک ری مکس میں بھی ڈانس کیا تھا۔
غیرملکی میڈیا کی رپورٹ کے مطابق کرس گیل سنجیدگی سے ڈانس ہال میوزک کیریئر شروع کرنے کے ساتھ اپنا پروڈکشن سیٹ اپ بنانے پر بھی غور کررہے ہیں۔ انھوں نے 2020 میں ڈانس ہال آرٹسٹ اسٹائیلو جی کے ساتھ ایک ری مکس کیا تھا۔
گیل نے کہاکہ میں نے مذاق میں اسٹائیلو جی سے ری مکس کا کہا،پھر ایک دن وہ میرے گھر آئے اور کہا کہ میں تیار ہوں، میں نے کہا کہ مذاق کررہا تھا مگر وہ سنجیدہ تھے، ہم نے ری مکس کیا اور وہ کامیاب رہا۔
ان کا کہنا تھا کہ اب میں ’ٹرپل سنچری ریکارڈز‘ کے نام سے اپنا پروڈکشن سیٹ اپ بنانے پر غور کررہا ہوں جس میں اپنی آوازمیں بھی گانے ریکارڈ کرائوں گا۔
یہ بھی پڑھیں: گجنی میں کام نہ ملنے کی دلچسپ وجہ اداکار ہمایوں سعید نے بتا دی
