چینی وزیر خارجہ او آئی سی اجلاس کے بعد کابل میں ملاقات کیلئے رُک گئے

کابل: افغانستان کی سرکاری ایجنسی نے تصدیق کی ہے کہ چین کے ریاستی کونسلر اور وزیر خارجہ وانگ یی جمعرات کو کابل میں طالبان حکمرانوں سے ملاقات کے لیے رک گئے۔

افغانستان کی سرکاری باختر نیوز ایجنسی کے ڈائریکٹر جنرل عبدالواحد ریان نے چینی وزیر خارجہ کی افغانستان کے دارالحکومت میں آمد کی تصدیق کی۔

China’s Foreign Minister Wang Yi arrived in #Kabul and met with Mawlavi Amir Khan #Muttaqi IEA Acting Minister of Foreign Affairs in Kabul. pic.twitter.com/DKyKg2VRDx

— Bakhtar News Agency (@BakhtarNA) March 24, 2022

افغانستان کے قائم مقام وزیر خارجہ امیر خان متقی نے ایک اعلیٰ سطحی وفد کے ہمراہ کابل پہنچنے پرچینی وزیر خارجہ کا استقبال کیا۔

یہ بھی پڑھیں:افغان طالبان کے اسکول جانے سے روکنے کے حکم پر معصوم بچی کی روتے ہوئے دلخراش ویڈیو وائرل

سرکاری خبر رساں ایجنسی نے کہا کہ دونوں فریق اہم امور پر بات چیت کریں گے جس میں استحکام اور ترقی کے حوالے سے چین کے کردار پر توجہ دی جائے گی۔

خیال رہے کہ بیجنگ 30-31 مارچ کو افغانستان کے پڑوسیوں کی دو روزہ کانفرنس کی میزبانی بھی کرے گا جس میں یہ دیکھا جائے گا کہ طالبان حکومت کی مدد کیسے کی جائے گی۔

چینی وزیر خارجہ کا یہ دورہ اگست میں طالبان کے تسلط کے بعد کسی سینئر چینی رہنما کا پہلا دورہ ہے اور وہ اپنا دورہ اسلام آباد مکمل کرنے کے بعد افغانستان پہنچے ہیں۔