گوگل نیوز پر ہمیں فالو کریںاسلام آباد: وفاقی وزیر خزانہ اسحاق ڈار نے کہا ہے کہ چینی بینک نے پاکستان کیلئے 1.3 ارب ڈالر قرض رول اوور کرنے کی منظوری دیدی ہے۔
ٹوئٹر پر جاری اپنے پیغام میں اسحاق ڈار نے لکھا کہ یہ قرض پاکستان نے حال ہی میں چینی بینک آئی سی بی سی کو واپس کیا تھا۔
Formalities completed & Chinese Bank, ICBC approved rollover of US$1.3 billion facility which has been repaid by Pakistan to ICBC in recent months. Facility will be disbursed in 3 instalments, first one of US$500 million has been received by SBP. It will increase forex reserves!
— Ishaq Dar (@MIshaqDar50) March 3, 2023
وزیرخزانہ نے اپنے پیغام میں لکھا کہ قرض کی رقم چین سے پاکستان کو تین اقساط میں ملے گی جبکہ قرض کی پہلی قسط 50 کروڑ ڈالر اسٹیٹ بینک کو موصول ہوگئی۔
ملک بھر میں جان بچانے والی ادویات کی شدید قلت پیدا ہونے لگی
واضح رہے کہ گزشتہ روز اسحاق ڈار نے کہا تھا کہ ہمیں بہت سے لوگوں نے کہا تھا کہ عدم اعتماد کی تحریک نہ لائیں، اور عمران خان کی حکومت کو اس کے حال پر چھوڑ دیں، یہ خود ہی منہ کے بل گر جائے گا، لیکن ہمیں پتہ تھا کہ عمران خان کے ساتھ یہ ملک بھی گر جائے گا۔
اُن کا کہنا تھا کہ ہمارے پاس آپشن تھا کہ ریاست کو بچانا ہے یا سیاست کو، ہمیں لگتا تھا کہ عمران خان پاکستان کو ڈبو دے گا۔
قبل ازیں وزیرخزانہ نے پاکستان کو چین کی جانب سے 70 کروڑ ڈالرز مل جانے کی تصدیق کی تھی، چین سے قرض ملنے کے بعد اسٹیٹ بینک کے ذخائر بڑھ کر4 ارب ڈالر کے قریب پہنچ گئے تھے ۔
