گوگل نیوز پر ہمیں فالو کریںچین میں گھناؤنے جرائم کے مرتکب دو افراد کو پھانسی دے دی گئی۔
عالمی خبر رساں ادارے کے مطابق چین میں پیر کے دن ایک ایسے شخص کو سزائے موت دی گئی ہے جس نے نومبر میں کھیل کے میدان میں اپنی کار شہریوں پر چڑھا دی تھی۔
اس واقعے میں 35 افراد کو ہلاک ہوگئے تھے جسے گزشتہ 10 برسوں میں چین میں کسی واقعے میں اتنی ہلاکتوں کا سب سے مہلک واقعہ قرار دیا گیا تھا۔
قاتل ایک 62 سالہ شخص فان ویکیو تھا جس نے اپنی طلاق پر شراب کے نشے میں کار چلائی اور درجنوں افراد کو موت کی نیند سلادیا تھا۔
اسی طرح ایک اور ملزم کو بھی پھانسی دے دی گئی جس نے نومبر میں ہی کالج کیمپس میں چاقو کے وار سے 8 افراد کی جان لی تھی۔
21 سالہ سو جیاجین اسی کالج میں گریجویشن کا طالب علم تھا اور فیل ہونے، سرٹیفکیٹ حاصل نہ کرپانے اور انٹرن شپ معاوضے سے خوش نہ ہونے پر حملہ کیا تھا۔
