گوگل نیوز پر ہمیں فالو کریںاسلام آباد: چین پاکستان اقتصادی راہداری (سی پیک) کے تحت وفاقی حکومت نے ایک اور اکنامک زون بنانے کا فیصلہ کرلیا۔
ذرائع وزارت منصوبہ بندی کا اس حوالے سے کہنا ہے کہ سی پیک کا ساتواں اسپیشل اکنامک زون دارالحکومت اسلام آباد میں بنانے کا فیصلہ کیا گیا ہے۔
اکنامک زون کے لیے روات کے مقام 4500 ایکڑ زمین اور نیو اسلام آباد انٹرنیشنل ایئرپورٹ کے قریب 7500 ایکڑ زمین زیرِ غور ہے۔
زمین اسٹیٹ ایجنٹس کے ذریعے خرید و فروفت نہیں ہو سکے گی،اسلام آباد اکنامک زون کی زمین صنعت کاروں کو دی جائے گی۔
ذرائع کے مطابق اکنامک زون میں پیداوار اور گودام دونوں کی سہولت دی جائے گی، خام مال کی تیاری کے لیے بھی اکنامک زون میں سہولت دی جائے گی۔
