گوگل نیوز پر ہمیں فالو کریںاوپن اے آئی نے اپنے مصنوعی ذہانت کے چیٹ بوٹ، چیٹ جی پی ٹی کو میٹا کی واٹس ایپ میسنجر ایپ کے ساتھ ضم کرنے کا اعلان کیا ہے۔ یہ اعلان کمپنی کی جانب سے اے آئی ویڈیو جنریٹر اور سرچ جی پی ٹی کے تعارف کے بعد کیا گیا ہے۔
اوپن اے آئی کے چیف پراڈکٹ آفیسر کیون وی کے مطابق امریکا اور کینیڈا کے صارفین اب واٹس ایپ پر چیٹ جی پی ٹی سے بات چیت کر سکتے ہیں۔ اس پائلٹ پروگرام کے تحت، صارفین کو ہر ماہ فی فون نمبر 15 منٹ کی بات چیت کی اجازت دی گئی ہے۔
واٹس ایپ پر چیٹ جی پی ٹی استعمال کرنے کے لیے درج ذیل اقدامات کریں:نمبر 1-800-242-8478، جس پر واٹس ایپ ویری فائیڈ بیج موجود ہے، محفوظ کریں۔اس نمبر پر چیٹ شروع کریں اور چیٹ جی پی ٹی کے ساتھ بات چیت کریں۔
فی الحال چیٹ جی پی ٹی پر صرف ٹیکسٹ پیغامات کے ذریعے بات چیت ممکن ہے۔ سرچ فنکشن یا تصویری چیٹ کی سہولت دستیاب نہیں۔
اوپن اے آئی نے وضاحت کی ہے کہ واٹس ایپ پر چیٹ جی پی ٹی کے ساتھ ہونے والی تمام بات چیت کو محفوظ کیا جائے گا تاکہ غلط استعمال کو روکا جا سکے۔ کمپنی کسی بھی غیر مناسب گفتگو یا اصولوں کی خلاف ورزی پر رسائی کو معطل کرنے کا حق محفوظ رکھتی ہے۔
