گوگل نیوز پر ہمیں فالو کریںسندھ حکومت نے آئی سی سی چیمپئنز ٹرافی میں پاکستان اور بھارت کے درمیان ہونے والے بڑے میچ کی لائیو نشریات کے لیے صوبے کے مختلف عوامی مقامات پر بڑی اسکرینز نصب کرنے کا اعلان کیا ہے۔
یہ اقدام سندھ اسپورٹس ڈیپارٹمنٹ کی جانب سے کیا جا رہا ہے، جس کی تصدیق سندھ کے وزیر برائے کھیل سردار محمد بخش خان مہر نے کی ہے۔
ان مقامات پر میچ دیکھنے کی سہولت دستیاب ہوگی،کراچی میں سی ویو اورسندھ یوتھ کلب، گلستانِ جوہرجبکہ حیدرآبادکے نیاز اسٹیڈیم، خیرپورکے متحدہ کرکٹ گراؤنڈ، ٹنڈو محمد خان،میہڑاور گھوٹکی میں بھی بڑی اسکرینز لگائی جائینگی۔
یہ بات قابل ذکر ہے کہ پاکستان اور بھارت کا ہائی وولٹیج میچ دبئی میں کھیلا جائے گا کیونکہ بھارت نے میزبان ملک پاکستان کا دورہ کرنے سے انکار کر دیا تھا۔
پاکستان نے بدھ کے روز ٹورنامنٹ کا پہلا میچ نیوزی لینڈ کے خلاف ہار دیا تھا جبکہ بھارت نے جمعرات کو اپنا پہلا میچ بنگلہ دیش کے خلاف جیت لیا۔
آج کے میچ میں جنوبی افریقہ اور افغانستان نیشنل اسٹیڈیم کراچی میں مدمقابل ہوں گے، جو دوپہر 2 بجے شروع ہوگا۔
