گوگل نیوز پر ہمیں فالو کریںمشہور پاکستانی انٹرٹینر چاہت فتح علی خان جو اکثر اپنے منفرد انداز اور میڈم نور جہاں کے گانے “اکھ لڑے بدو بدی” کے مزاحیہ انداز میں پیش کرنے کے لیے جانے جاتے ہیں، حال ہی میں ماڈل و میزبان متھیرا کے ساتھ شو میں شرکت کے بعد شدید تنقید کی زد میں ہیں۔
اداکارہ متھیرا نے شو کے ایک منظر کے پس پردہ ویڈیو اپنے آفیشل فیس بک پیج پر شیئر کی تھی۔ویڈیو میں چاہت کو متھیرا کے قریب جاتے ہوئے اور ان کے ساتھ تصویر لینے کی درخواست کرتے دیکھا گیا۔
پاکستانی ٹک ٹاکر مس واؤ کی نازیبا ویڈیوز بھی سوشل میڈیا پر لیک
متھیرا نے تصویر لینے پر رضامندی ظاہر کی لیکن ناظرین نے ان کے رویے میں جھجھک اور بے چینی کو فوراً محسوس کیا۔ سوشل میڈیا صارفین نے چاہت فتح علی خان پر تنقید کرتے ہوئے کہا کہ متھیرا اس لمحے میں بے آرام اور غیر محفوظ نظر آئیں۔
بہت سے تبصروں میں نشاندہی کی گئی کہ متھیرا نے کبھی بھی اس قدر بے چینی کی حالت میں کیمرے کے سامنے آنے کا مظاہرہ نہیں کیا۔ کئی صارفین نے چاہت کے رویے کو پیشہ ورانہ ماحول میں نامناسب قرار دیا خاص طور پر ایک خاتون میزبان کے ساتھ اس حرکت پر شدید تنقید کی گئی۔
ویڈیو وائرل ہونے کے بعد سوشل میڈیا پر انٹرٹینمنٹ انڈسٹری میں حدود اور پیشہ ورانہ رویے پر ایک وسیع بحث شروع ہو گئی ہے، جہاں صارفین چاہت فتح علی خان کے رویے پر مختلف آراء کا اظہار کر رہے ہیں۔
