اب کریں موبائل انٹرنیٹ کے بغیر واٹس ایپ کال

سان فرانسسکو: پیغام رسانی کے لیے استعمال ہونے والی فیس بک کی زیرملکیت موبائل ایپلیکیشن واٹس ایپ نے تین روز قبل ڈیسک ٹاپ ورژن استعمال کرنے والے صارفین کے لیے آڈیو ویڈیو کالنگ کی سہولت متعارف کرائی۔

واٹس ایپ کی جانب سے جاری بیان میں کہا گیا تھا کہ اب صارفین بڑی اسکرین پر چیٹ کے ساتھ ویڈیو اور آڈیو کالنگ کی سہولت سے بھی استفادہ کرسکتے ہیں۔

کمپنی نے صارفین کو یقین دہانی کرائی تھی کہ کمپیوٹر سے کی جانے والی کالز بھی اینڈ ٹو اینڈ انگرپٹڈ کے تحت کی جائیں گی یعنی بالکل محفوظ ہوں گی۔

WhatsApp Desktop won’t interrupt your current call if your phone is not connected to the Internet anymore, during the call. ????

When multi device will be available in a future update, you can also start calls and send messages without an active Internet connection on your phone.

— WABetaInfo (@WABetaInfo) March 6, 2021

واٹس ایپ کی جانب سے فیچر متعارف کرائے جانے کے بعد صارفین نے سوال کرنا شروع کیے کہ جب اُن کے موبائل میں انٹرنیٹ کی سہولت نہیں ہوگی تو وہ کمپیوٹر کی مدد سے کس طرح کال کرسکیں گے۔

یہ بھی پڑھیں :زمین بڑی تباہی سے بچ گئی، ایفل ٹاور سے بڑا سیارچہ کرۂ ارض کے قریب سے گزر گیا

ڈبلیو اے بیٹا انفو کی رپورٹ کے مطابق ‘ اگر دوران کال صارف کے موبائل میں انٹرنیٹ چلنا بند ہو جاتا ہے تب بھی کمپیوٹر پر کال منقطع نہیں ہوگی بلکہ اس پر معمول کے مطابق ہوتی رہے گی’۔

ڈیسک ٹاپ سے واٹس ایپ کالز کا طریقہ کیا ہوگا؟

اس کے لیے ونڈوز 10 اور واٹس ایپ کے اپ ڈیٹڈ ورژن کی ضرورت ہے۔ اگر کوئی لیپ ٹاپ استعمال کررہا ہے تو اُسے ہیڈ فون کی ضرورت نہیں، لیپ ٹاپ میں مائیک اور اسپیکر کا ہونا لازمی ہے۔

عام کمپیوٹر پر استعمال کرنے والے صارف کو مائیک والے ہیڈ فون کی ضرورت ہوگی۔اگر کوئی صارف ویڈیو کال کرنا چاہتا ہے تو اُسے عام کمپیوٹر میں علیحدہ سے کیمرا لگانا ہوگا، اسی طرح لیپ ٹاپ سے ویڈیو کالنگ کرنے کے لیے بلٹن کیمرا ہونا لازمی ہے