گوگل نیوز پر ہمیں فالو کریںتھرپارکر میں قومی اسمبلی کے حلقہ این اے 221 پر ضمنی الیکشن کیلئے پولنگ کا وقت ختم ہونے کے بعد سے ووٹوں کی گنتی کا عمل جاری ہے۔
حلقے میں صبح 8 بجے سے شام 5 بجے تک ہزاروں افراد نے اپنا حق رائے دہی استعمال کیا جبکہ ایک پولنگ اسٹیشن میں آگ لگنے سے بیلٹ باکسز جل گئے تھے جس سے پولنگ کا عمل کچھ دیر کے لئے روک دیا گیا تھا۔
پاکستان تحریک انصاف کے امیدوار نے پولیس پر گڑبڑ کرنے کا الزام لگایا تاہم پولیس نے کہاکہ آگ حادثاتی طور پر لگی اور بیلٹ پیپرز محفوظ رہے۔
میڈیا رپورٹ کے مطابق پولنگ کا عمل مکمل ہوتے ہوئے الیکشن کمیشن کے عملے کی جانب سے ووٹوں کی گنتی شروع کردی گئی تھی۔
خیال رہے کہ این اے 221 کی نشست پیپلزپارٹی کے پیر نورمحمد شاہ جیلانی کے انتقال کے بعد خالی ہوئی تھی۔
ضمنی انتخاب میں پیپلزپارٹی کے امیرعلی شاہ اور پی ٹٰی آئی کے نظام الدین راہموں سمیت 12 امیدوار مقابل ہیں۔
یہ بھی پڑھیں : این اے75 کے نتائج تبدیل کئے توسخت ردعمل سامنے آئیگا، مریم نواز کی وارننگ
