گوگل نیوز پر ہمیں فالو کریںلندن: برطانوی وزیرِ اعظم بورس جانسن ملک میں کورونا وائرس کی روک تھام کیلئے نافذ لاک ڈاؤن میں آہستہ آہستہ نرمی لا رہے ہیں جبکہ بورس جانسن نے آج عوام کو پیاروں سے ملانے کیلئے ایک اور قدم اٹھا لیا۔
سماجی رابطے کی ویب سائٹ ٹوئٹر پر اپنے پیغام میں برطانوی وزیرِ اعظم بورس جانسن نے کہا کہ رواں ہفتے کے ویک اینڈ سے ایسے گھرانے جہاں صرف ایک بالغ شخص رہتا ہو جن میں صرف ماں یا صرف باپ پر مشتمل سنگل پیرنٹ گھرانے شامل ہیں جن کے بچوں کی عمر 18 سال نہیں ہوئی، ان پر اس اقدام کا اطلاق ہوتا ہے۔
برطانوی وزیرِ اعظم بورس جانسن نے کہا کہ ایسے گھرانے اپنی مرضی کا کوئی گھرانہ چن کر اس کے ساتھ ایک سپورٹ ببل تخلیق کرسکتے ہیں جس سے وہ لوگ فائدہ اٹھا سکیں گے جو لاک ڈاؤن کے باعث ایک طویل عرصے سے اکیلے رہ رہے ہیں، اس سے انہیں اپنے پیاروں سے ملاقات کا موقع میسر آئے گا۔
From this weekend, single adult households, including single parents with children under 18, can form a support bubble with one other household.
We are making this intervention so that those who have been living alone for a long time can reconnect with loved ones. pic.twitter.com/1OlJXGmUJb
— Boris Johnson (@BorisJohnson) June 11, 2020
یاد رہے کہ اس سے قبل برطانوی وزیرِ اعظم بورس جانسن نے ملک بھر میں پیر سے کورونا وائرس کی روک تھام کیلئے نافذ لاک ڈاؤن میں معمولی نرمی کا اعلان کردیا۔
ٹوئٹر پر 2 ہفتے قبل اپنے پیغام میں برطانوی وزیرِ اعظم بورس جانسن نے کہا کہ پیر سے ہم 6 لوگوں کو گھر سے باہر ملاقات کی اجازت دیں گے جس کیلئے شرط یہ ہے کہ الگ الگ گھروں سے تعلق رکھنے والے افراد سماجی فاصلہ برقرار رکھیں۔
مزید پڑھیں: بورس جانسن کا ملک بھر میں لاک ڈاؤن میں نرمی کا اعلان
