باکسر عامر خان اور ڈیرن سیمی کا مظلوم فلسطینیوں سے اظہار یکجہتی

لندن: عالمی شہرت یافتہ کم عمر ترین باکسنگ چمپئن پاکستانی نژاد برطانوی باکسر عامر خان اور پشاور زلمی کے کوچ ڈیرن سیمی مظلوم فلسطینیوں سے اظہار یکجہتی کے لئے سامنے آگئے۔

عالمی شہرت یافتہ مشہور و معروف باکسر کم عمر ترین باکسنگ چمپئن پاکستانی نژاد برطانوی باکسر عامر خان نے اپنے گھر کے باہر فلسطینی پرچم لہرادیا۔

مشہور و مصروف باکسر عامر خان نے اسرائیلی فورسز کی وحشیانہ بمباری کا شکار مظلوم فلسطینیوں سے اظہارِ یکجہتی کیا ہے اس حوالے سے باکسر عامر خان نے مائیکرو بلاگنگ سائٹ ٹوئٹر پر اپنے گھر کی تصویر شیئر کی جس میں اْن کے گھر کے باہر فلسطینی پرچم لگا ہوا ہے۔

Flag is up in my UK home #FREEPALESTINE pic.twitter.com/GF3h5HeDdX

— Amir Khan (@amirkingkhan) May 11, 2021

عامر خان نے تصویر شیئر کرتے ہوئے بتایا کہ اْنہوں نے برطانیہ میں اپنے گھر فلسطین کا پرچم لگا لیا ہے۔اْنہوں نے اپنے ٹوئٹ میں ہیش ٹیگ FreePalestine بھی استعمال کیا جس کا مطلب ہے کہ فلسطین کو آزاد کرو۔

دوسری جانب پاکستان سپر لیگ کی ٹیم پشاور زلمی کے کوچ اور ویسٹ انڈیز کرکٹ ٹیم کے سابق کپتان ڈیرن سیمی نے بھی فلسطین کے حق میں آواز اٹھا دی۔

سماجی رابطے کی ویب سائٹ ٹوئٹر پر ڈیرن سیمی کی جانب سے ایک ٹوئٹ کی گئی جس میں انہوں نے فلسطین کے لیے دعا کی اپیل کی ہے۔

ڈیرن سیمی نے اپنے ٹوئٹ میں لکھا کہ مجھے یہ سمجھ نہیں آتا کہ دوسروں کے ساتھ ایسا ہی برتاؤ کرنا کیوں اتنا مشکل ہے جیسا برتاؤ آپ اپنے ساتھ کیے جانے کے خواہشمند ہیں یا پھر اس سے بھی بہتر ہے ایک دوسرے کے ساتھ بطور انسان برتاؤ کریں۔