پاکستانی نژادبرطانوی باکسر عامر خان کاپی ٹی آئی حکومت پرمایوسی کااظہار

پاکستانی نژادبرطانوی باکسر عامر خان نے پاکستان تحریک انصاف کی حکومت پر مایوسی کا اظہار کرتے ہوئے کہا کہ بدقسمتی سے عمران خان کھیلوں کے لئے کچھ نہ کرسکے۔

عامرخان کاکہناتھا کہ عمران خان عظیم کھلاڑی رہے ہیں لیکن بطور اسپورٹس مین اقتدار میں آکر انہوں نے کھیلوں کے فروغ کیلئے کچھ نہیں کیا، عمران خان کو پہچان کھیل نے دی لیکن وہ کھیلوں پر توجہ نہ دے سکے۔

باکسر عامرخان کاکہناتھا کہ وہ پاکستان کی سیاست میں شامل ہونا چاہتے ہیں انہوں نے کہا ہے کہ وہ مزید ایک سال تک باکسنگ کریں گے اور پھر ریٹائرمنٹ لے کر پاکستان میں آکر سیاست میں حصہ لیں گے۔

انہوں نے کہا کہ پاکستان سے باکسرز نہیں نکل رہے کیونکہ وہاں اکیڈمیز ہی نہیں ہیں،عامرخان نے مزید کہا کہ کھیلوں کی ترقی کیلئے وہ اسپورٹس منسٹر بننے کے خواہشمند ہیں۔