باکسر عامر خان کا کرتارپور راہداری، گوردوارہ دربار صاحب کا دورہ

لاہور: مایہ ناز باکسر عامر خان نے کرتارپور راہداری، گوردوارہ دربار صاحب کا دورہ کیا۔ انہوں نے کہا کہ کرتارپور میں بہترین میزبانی پر شکر گزار ہوں۔

کرتارپور راہداری کے دورے کے بعد باکسر عامر خان نے اظہار خیال کرتے ہوئے کہا کہ آج کرتارپور کا دورہ، گوردوارہ دربار صاحب پر حاضری خوشگوار تجربہ رہا۔

باکسر عامر خان نے کہا کہ کرتارپور میں بہترین میزبانی پر شکر گزار ہوں، گوردوارہ دربار صاحب بین المذاہب ہم آہنگی کا حقیقی استعارہ ہے، انہوں نے کہا کہ پاکستان نے تمام اقلیتوں کو حقیقی مذہبی آزادی دی۔

باکسر عامر خان کا مزید کہنا تھا کہ بھارت، پاکستان کے برعکس اقلیتوں کے خلاف اقدامات کر رہا ہے،مقبوضہ کشمیر، بابری مسجد ہو یا سکھ کمیونٹی، بھارت ہر روز اقلیتوں کیخلاف اقدامات کر رہا ہے۔

انہوں نے بھارتی حکومت سے درخواست کی کہ بھارتی حکومت سکھوں کیلئے گیٹ کھولے، کرتارپور آنے دے، مذہبی آزادی ہر کسی کا بنیادی حق ہے، اسے نہ چھینا جائے۔