گوگل نیوز پر ہمیں فالو کریںاسلام آباد میں مونال سے تقریباً ڈیڑھ کلومیٹر دور مارگلہ ہلز میں ایک سڑک کے کنارے سے نامعلوم خاتون کی لاش ملی۔
مقتولہ کو نامعلوم حملہ آوروں نے گولی مارکر قتل کیا اور لاش سڑک کے کنارے پر پھینک دی، پولیس گشتی ٹیم کو جنگل والے علاقے میں لاش ملی جس کے بعد کوہسار پولیس کو اطلاع دی گئی۔ مقامی پولیس کے پہنچنے پر جائے وقوعہ کا جائزہ لیا گیا اور خاتون کے سر میں گولی کا زخم ملا۔
مقتولہ کے کے بارے میں خیال کیا جاتا ہے کہ اس کی عمر 30 سال کے قریب تھی، لاش کو شناخت کے لیے اسپتال منتقل کیا گیا۔ تفتیش کار فنگر پرنٹ کے نمونے اکٹھے کر کےخاتون کی شناخت کے لیے کام کر رہے ہیں۔
مارگلہ ہلزایک مشہور سیاحتی علاقہ ہے، جہاں ماضی میں بھی جرائم کے واقعات دیکھے ہیں، حالانکہ اس معاملے میں مجرموں کا مقصد اور شناخت ابھی تک واضح نہیں ہے۔
