گوگل نیوز پر ہمیں فالو کریںجنوبی وزیرستان میں مسجد کے اندر دھماکے کے نتیجے میں جے یو آئی کے رہنما سمیت 4 افراد شدید زخمی ہوگئے ہیں۔
پولیس ذرائع کے مطابق جنوبی وزیرستان کے علاقے اعظم ورسک میں مسجد کے اندر دھماکا ہوا، جس میں جمعیت علمائے اسلام (جے یو آئی) کے رہنما مولانا عبداللہ زخمی ہو گئے۔
دھماکے کی اطلاع ملتے ہی پولیس اور امدادی ٹیمیں جائے وقوع پر پہنچیں اور کارروائی شروع کی۔ ریسکیو ذرائع کے مطابق زخمیوں کو ڈسٹرکٹ ہیڈکوارٹر اسپتال وانا منتقل کردیا گیا ہے۔
عینی شاہدین کے مطابق اعظم ورسک میں دھماکا مسجد کے محراب کے قریب ہوا۔ دھماکے میں جے یو آئی کے رہنما مولانا عبداللہ ندیم کو نشانہ بنایا گیا۔ ان کے علاوہ دھماکے میں 3 افراد بھی شدید زخمی ہوئے۔
واضح رہے کہ 5 دن پہلے نماز تراویح کے دوران بلوچستان کے علاقے تربت میں جے یو آئی کے سینئر رہنما مفتی شاہ میر کو بھی نامعلوم افراد نے شہید کر دیا تھا۔
