گوگل نیوز پر ہمیں فالو کریںاسلام آباد: وزیرِ اعظم پاکستان عمران خان نے کہا ہے کہ بی جے پی (بھارتیہ جنتا پارٹی) مسلمانوں کیلئے بھارت میں ہٹلر ثابت ہو رہی ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ اعظم عمران خان نے کہا کہ آر ایس ایس سے متاثرہ بی جے پی قیادت 21ویں صدی میں کھلے عام مسلمانوں سے تعصب کا مظاہرہ کرتی رہی۔
وزیرِ اعظم عمران خان نے کہا کہ بھارت کے 20 کروڑ مسلمان 21ویں صدی میں بھی متعصبانہ رویے سے نہ بچ سکے۔ بھارتیہ جنتا پارٹی نے مسلمانوں کے خلاف وہی لب و لہجہ اختیار کیا جو نازیوں اور ہٹلر نے یہودیوں کے خلاف اختیار کیا تھا۔
آر ایس ایس سے متاثرہ بی جے پی قیادت 21ویں صدی میں 200 ملین مسلمانوں کیخلاف کھلے عام وہی لب و لہجہ اختیار کئے ہوئے ہے جو نازیوں نے یہودیوں کیخلاف اپنایا۔
pic.twitter.com/MUiyqpgGDJ— Imran Khan (@ImranKhanPTI) April 3, 2020
