گوگل نیوز پر ہمیں فالو کریںمظفر آباد:آزاد جموں و کشمیر کے صدر سردار مسعود خان نے کہا ہے کہ بھارتیہ جنتا پارٹی اور آر ایس ایس کے ایجنٹ مقبوضہ کشمیر میں عوام پر حملوں میں ملوث ہیں۔
سماجی رابطے کی ویب سائٹ ٹوئٹر پر اپنے پیغام میں صدرِ آزاد کشمیر سردار مسعود خان نے کہا کہ کشمیر میڈیا سروس کی خبروں سے پتہ چلتا ہے کہ مقبوضہ کشمیر میں عوام بھارتیہ جنتا پارٹی اور آر ایس ایس ایجنٹوں کے حملوں کا نشانہ بن رہے ہیں۔
پیغام میں صدرِ آزاد کشمیر سردار مسعود خان نے کہا کہ کے ایم ایس (کشمیر میڈیا سروس) کے مطابق جموں و کشمیر کے تمام تر علاقے میں آر ایس ایس اور بی جے پی کے ایجنٹ موجود ہیں جبکہ ہزاروں کی تعداد میں مقبوضہ کشمیر کے سیاسی قیدیوں کو بھارتی جیلوں میں رکھا گیا ہے۔
آزاد کشمیر کے صدر نے کہا کہ کشمیری سیاسی رہنماؤں کو بھارت میں جیل کے قیدیوں کی طرح رکھاگیا ہے جبکہ تہاڑ جیل میں سیاسی قیدیوں کو قاتلوں اور سنگین جرائم میں ملوث مجرموں کے ساتھ رکھا گیا جن کا تعلق انتہا پسند ہندو گروہوں سے ہے۔
A KMS study establishes that Kashmiris being attacked by BJP-RSS agents all over J and K. Thousands of political detainees, kept in Indian jails in hostile environment. In Tihar jail, detainees lodged with murderers and hardened criminals belonging to extremist Hindu groups.
— Masood Khan (@Masood__Khan) April 20, 2020
یاد رہے کہ اس سے قبل آزاد کشمیر کے صدر سردار مسعود خان نے کہا کہ مقبوضہ جموں و کشمیر میں کورونا وائرس کی روک تھام کے نام پر قتلِ عام جاری ہے۔
ٹوئٹر پر گزشتہ روز اپنے پیغام میں آزاد جموں وکشمیر کے صدر سردار مسعود خان نے کہا کہ کورونا وائرس کی روک تھام کے نام پر قابض بھارتی فوج نے مقبوضہ کشمیر میں نام نہاد سرچ آپریشن اور ظلم و تشدد تیز کردیا ہے۔
مزید پڑھیں: کورونا کی روک تھام کے نام پر قتلِ عام ہو رہا ہے۔مسعود خان
