گوگل نیوز پر ہمیں فالو کریںاسلام کی خاطرشوبز کو خیرباد کہنے والی سابق بھارتی اداکارہ ثنا خان اور مفتی انس کے یہاں بیٹے کی پیدائش ہوئی ہے۔
فوٹو اینڈ ویڈیو شیئرنگ ایپ انسٹاگرام پر سابق بھارتی اداکارہ ثنا خان اور مفتی انس نے مداحوں کو بیٹے کی پیدائش کی اطلاع دی۔
View this post on Instagram
انہوں نے لکھا کہ ’اللہ ہمیں ہماری اولاد کے لیے بہترین نمونہ بنائے، اللہ کی امانت ہے، بہترین بنانا ہے۔‘
ثنا خان نے مبارک باد اور نیک تمناؤں کا اظہار کرنے والوں کے لیے لکھا کہ ’تمام چاہنے والوں کی دعاؤں اور محبتوں کا شکریہ، جزاک اللہ خیر، آپ کی دعاؤں اور محبتوں نے اس سفر میں ہمارے دل اور روح کو خوش و خرم رکھا‘۔
خیال رہے کہ سابقہ اداکارہ ثنا خان نے 20 نومبر 2020 کو بھارتی گجرات سے تعلق رکھنے والی کاروباری شخصیت مفتی انس سعید سے شادی کی تھی جس کے بعد وہ دونوں اکثر میڈیا کی شہہ سرخیوں میں رہتے ہیں۔
