گوگل نیوز پر ہمیں فالو کریںامریکی شوبز انڈسٹری کی معروف گلوکارہ بلی ایلش کو 100 بااثر ترین شخصیات کی فہرست میں شامل کیا گیا ہے جبکہ فہرست میں ہالی ووڈ کے دیگر مشہور نام بھی جگہ بنانے میں کامیاب رہے۔
تفصیلات کے مطابق ٹائم میگزین نے دنیا کے 100 بااثر ترین افراد کی فہرست شائع کردی جس میں بلی ایلش، لل ناس ایکس اور بیڈ بنی سمیت دیگر گلوکار و موسیقار بھی شامل ہیں۔
رواں ہفتے کے دوران ایم ٹی وی ویڈیو میوزک ایوارڈز اور میٹ گالا سمیت دیگر ایونٹس میں 100 بااثر ترین مشہور شخصیات کی فہرست کے چرچے رہے جو شائع کردی گئی ہے۔
View this post on Instagram
گلوکارہ بلی ایلش نے گالا کی شریک سربراہی کرنے والی کمسن ترین خاتون کا اعزاز حاصل کرکے تاریخ رقم کردی جبکہ لل ناس ایکس نے وی ایم اے کیلئے سال کی بہترین ویڈیو بنائی۔
سیمون نے میٹ گالا کے دوران 88 پاؤنڈ وزنی گاؤن پہن کر اپنے مداحوں اور سوشل میڈیا صارفین کے ساتھ ساتھ شوبز کی شخصیات کو بھی حیران کردیا۔ میٹ گالا میں بلی ایلش کے گاؤن کو بھی بے حد پسند کیا گیا جس نے نیو یارک میں دھوم مچا دی۔
خیال رہے کہ اِس سے قبل ہالی ووڈ کی پاپ گلوکارہ بلی ایلش کے گانوں کا نیا البم ہیپیئر دین ایور برطانوی چارٹس پر پہلے نمبر پرآگیا جبکہ 19 سالہ فنکارہ نے یہ کامیابی دوسری بار حاصل کرکے دنیا کو حیران کردیا۔
بلی ایلش کے دوسرے اسٹوڈیو البم کی 39 ہزار نقول چارٹ سیلز کے تحت فروخت ہوئیں جس سے ان کا البم اگست کے پہلے ہفتے میں پہلے نمبر پر آگیا۔ بلی ایلش وہ پہلی عالمی گلوکارہ بن گئیں جن کے پہلے 2 البم پہلے نمبر پر آئے۔
مزید پڑھیں: بلی ایلش کے گانوں کا البم برطانوی چارٹس پر پہلے نمبر پر آگیا
