گوگل نیوز پر ہمیں فالو کریںکراچی:پاکستان پیپلزپارٹی پارلیمنٹرینزکی مرکزی سیکرٹری اطلاعات رکن قومی اسمبلی شازیہ عطاء مری نے کہا ہے کہ بلاول بھٹو زرداری کے دورہ امریکہ سے کٹھ پتلی حکمران پریشان ہیں۔
فواد چودھری، شہباز گل اور فرخ حبیب جیسے بونے اس لئے بھی پریشان ہیں کہ ان کے لیڈر عمران خان سفارتی استثنیٰ کے بغیر امریکہ نہیں جا سکتے کیونکہ وہاں کی عدالت میں زیر التوامقدمات ان کا مقدرہیں۔
شازیہ مری نے اتوارکو جاری اپنے بیان میں کہا کہ بلاول بھٹو زرداری کو اپنے ملک کے عوام کی طاقت پر بھروسہ ہے اور یہ بات بار بار ثابت ہوئی ہے کہ انتخابات میں رکاوٹیں کھڑی کرکے پاکستان پیپلزپارٹی کا مینڈیٹ چوری کیا جاتا ہے۔
یہ بات بھی ریکارڈ پر ہے کہ پیپلزپارٹی کا مینڈیٹ چوری کرنے والے ہی اعتراف کرتے رہے ہیں کہ دھاندلی کے ذریعے پیپلزپارٹی کے مخالفین کو اقتدار میں لایا جاتا رہا ہے۔
شازیہ مری نے کہا کہ جعلی اکاؤنٹس کا ڈرامہ بری طرح فلاپ ہو چکا ہے۔ انہوں نے سوال کیا کہ ان نام نہاد جعلی اکاؤنٹس سے ملنے والے 33ارب روپے کہاں ہیں؟ شازیہ مری نے کہا کہ نام نہاد احتساب آمروں اور ان کی باقیات کا مشغلہ رہا ہے۔
مزید پڑھیں: وفاقی بجٹ میں کراچی کے لیے کچھ نہیں ہے، ناصر حسین شاہ
