عمران خان بے گناہ ہیں تو انکو جیل میں نہیں ہونا چاہئے۔بلاول

چیئرمین پی پی پی بلاول بھٹو زرداری نے کہا ہے کہ اگر عمران خان بے گناہ ہیں تو ان کو جیل میں نہیں ہونا چاہئے، وہ تو خود کہتے تھے کہ ادارے آزاد ہیں۔

تفصیلات کے مطابق ذوالفقار بھٹو کی سزائے موت کے خلاف صدارتی ریفرنس کی سماعت کیلئے آنے والے چیئرمین پی پی پی بلاول بھٹو نے میڈیا سے گفتگو کے دوران کہا کہ عمران خان اپنی صفائی خود پیش کریں۔

[visual-link-preview encoded=”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”]

گفتگو کے دوران بلاول بھٹو نے کہا کہ بلا الیکشن کمیشن کی فہرست میں انتخابی نشان کے طور پر شامل نہیں تھا۔ تحریکِ انصاف کی خواہش پر بلے کو نشانوں کی فہرست میں شامل کیا گیا۔ذاتی دشمنی کی جگہ سیاسی اختلاف ہونا چاہئے۔

سابق وزیر خارجہ بلاول بھٹو نے کہا کہ انتخابات کے بعد بھٹو کیس پر فیصلے کی توقع رکھتے ہیں۔ یہ وہ موقع ہے کہ ملک اپنے قانون، تاریخ بلکہ مستقبل کو بھی درست کرے۔ آمریت میں انصاف کا قتل ہوا۔ شہید کو انصاف دینا ہوگا۔

بلاول بھٹو زرداری نے کہا کہ افتخار چوہدری کے دور میں ذوالفقار بھٹو کیس کا حتمی فیصلہ سامنے نہیں آسکا۔ چیف جسٹس کہہ چکے ہیں کہ الیکشن کی تاریخ پتھر پر لکیر ہے، چیف جسٹس کے مقابلے میں چند سینیٹرز کی بات میں وزن نہیں۔