والدہ کی یاد اب پہلے سے کہیں زیادہ آتی ہے، بختاور بھٹو

کراچی: سابق وزیراعظم شہید محترمہ بے نظیر بھٹو کی 14 ویں برسی پر ان کی بڑی صاحبزادی بختاور بھٹو زرداری نے پیغام جاری کرتے ہوئے کہا ہے کہ والدہ کی یاد اب پہلے سے کہیں زیادہ آتی ہے۔

پیپلز پارٹی کے چیئرمین بلاول بھٹو کی جانب سے بینظیر بھٹو کی برسی سے متعلق شیئر کی گئی خصوصی پوسٹ پر بختاور نے ایک جذباتی پیغام شیئر کیا۔

Our mother Shaheed #BenazirBhutto missed more now than I did when I got my grades for college or whilst graduating, even when I was planning my wedding, marriage ceremony, months of pregnancy- now with my newborn – she would have been a grandmother for the first time this year 💔 https://t.co/jJLIMHG6xF

— Bakhtawar B-Zardari (@BakhtawarBZ) December 26, 2021

بختاور بھٹو نے اپنی ٹوئٹ میں لکھا کہ ہماری والدہ محترمہ بے نظیر بھٹو شہید اب پہلے سے کہیں زیادہ یاد آتی ہیں۔

بختاور بھٹو نے لکھا کہ جب میں نے کالج میں یا گریجویشن کے دوران اپنے گریڈز حاصل کیے اور جب میں اپنی شادی کی پلاننگ کررہی تھی یا جب میری شادی کی تقریبات ہورہی تھیں۔

ماں بننے کے دنوں میں اور اب اپنے نومولود کے ساتھ اپنی والدہ کی بہت زیادہ یاد آئی۔ بختاور نے لکھا کہ میری والدہ اس دنیا میں ہوتیں تو اس سال پہلی بار نانی بنتیں۔