گوگل نیوز پر ہمیں فالو کریںواشنگٹن: امریکی سپر ماڈل بیلا حدید نے کہا ہے کہ مظلوم فلسطینیوں پر اسرائیل کا ظلم و ستم سالہا سال سے جاری ہے جس کا اعتراف مذہبی تعصب یا انتشار پھیلانے کے زمرے میں نہیں آتا۔
فوٹو شیئرنگ پلیٹ فارم انسٹا گرام پر معروف امریکی ماڈل بیلا نے فلسطین کی متعدد تصاویر شیئر کیں اور فلسطین کی آزادی اور قیامِ امن کا مطالبہ کیا۔
ماڈل بیلا حدید نے کہا کہ جس طرح میرا دل محسوس کرتا ہے، بہت سے خوبصورت، سمجھدار، قابلِ احترام، محبت کرنے والے، مہربان اور سخی فلسطینی ایک ہی جگہ رہتے ہیں۔
View this post on Instagram
اپنی ایک اور انسٹا گرام پوسٹ میں ماڈل بیلا نے کہا کہ ہمیشہ سے یہی مطالبہ تھا کہ فلسطین کو آزاد کیا جائے لیکن اب آپ بھی پڑھیں اور اپنے آپ کو تعلیم یافتہ بنائیں۔
انہوں نے کہا کہ یہ مذہب یا ایک دوسرے پر کیچڑ اچھالنے کی بات نہیں بلکہ اسرائیل نو آبادیاتی پروگرام پر عمل پیرا ہے۔ مظلوم فلسطینی سالہا سال سے اسرائیل کے مظالم جھیلے پر مجبور ہیں۔
View this post on Instagram
بیلا حدید نے کہا کہ مجھے پوری زندگی بتایا جاتا رہا کہ میں ایک فلسطینی خاتون ہوں لیکن یہ سچ نہیں۔ مجھے بتایا گیا کہ اگر تمہارا باپ فلسطین سے ہے تو تمہاری کوئی جائے پیدائش نہیں۔
ان کا کہنا تھا کہ فلسطین ایک حقیقت ہے، فلسطینی لوگ بھی اپنا وجود رکھتے ہیں اور ہم سب ایک خاندان کے طور پر ہمیشہ ساتھ رہ سکتے ہیں۔
یہ بھی پڑھیں: سماجی تبدیلی کیلئے عوامی دباؤ ضروری ہے۔ہانیہ عامر کا مسئلۂ فلسطین پر اظہارِ تشویش
