گوگل نیوز پر ہمیں فالو کریںکراچی: میاں ناصر حیات مگوں صدر ایف پی سی سی آئی نے جمہوریہ بیلاروس کے ساتھ باہمی تجارت کو وسیع کرنے، مشترکہ منصوبوں کو فروغ دینے، تکنیکی مہارت کا تبادلہ کرنے اور تجارتی سیاحت میں اضافہ کرنے کی گہری خواہش کا اظہار کیا ہے۔
ایف پی سی سی آئی ہیڈ آفس کراچی کے دورے کے موقع پر خطاب کرتے ہوئے اینڈری میٹلسٹا کا کہنا تھا کہ بیلاروس کی معیشت بنیادی طور پر صنعتی اور انجینئرنگ کی پیداوار پر مبنی ہے اور اس کی مشینری کا معیار عالمی معیار سے ہم آہنگ ہے۔ مثال کے طور پر، ٹریکٹر، ٹرک، کرینیں، دھاتیں کاٹنے والی مشینری اور دیگر تعمیراتی مشینری بہت اعلیٰ معیار کی حامل ہیں۔
مزید برآں، انہوں نے بتایا کہ بیلاروس میں تیار کردہ ہوم اپلائینسس اعلیٰ معیار کے ہیں۔ جیسے کہ واشنگ مشینیں، ڈش واشر، ریفریجریٹر اور دیگر چھوٹے اور بڑے ہوم اپلائینسس۔
اس موقع پر میاں ناصر حیات مگوں نے کہا کہ پاکستان اور بیلاروس کو آن لائن تجارتی نمائش کا منصوبہ بنانا چاہئے اور COVID سے متعلق پابندیوں کے مکمل خاتمے کا انتظار نہیں کرنا چاہئے۔ اس کے بعد ایف پی سی سی آئی اور بیلاروس کے کاروباری ایوان ہر سال دونوں ممالک میں تجارتی نمائشوں اور میلوں کا اہتمام کرسکتے ہیں۔
میاں ناصر حیات مگوں نے پاکستان سے بیلاروس کو پاکستانی پھلوں، سبزیوں، چاول، ٹیکسٹائل اور دیگر روایتی برآمدات کی برآمدی حجم میں اضافے کی ضرورت پر بھی زور دیا کیونکہ دونوں ممالک کے درمیان تجارتی حجم بہت کم ہے۔
انہوں نے سفیر سے درخواست کی کہ وہ پاکستانی برآمد کنندگان کے لئے مزید مواقع کو کھولیں اور تیزی سے ویزا پروسیسنگ میں آسانی پیدا کریں۔ ایف پی سی سی آئی بیلاروس کے کاروباری نما ئندوں اور تاجروں کی میزبانی کے لیے تیار ہے اور باہمی فائدہ مند کاروباری تعلقات کے لئے بیلاروس کو تجارتی وفود بھیجنے کا منتظر ہے۔
یہ بھی پڑھیں : جے یو آئی (ف) کے سربراہ مولانا فضل الرحمان 6 روزہ دورے پر کراچی پہنچ گئے
