گوگل نیوز پر ہمیں فالو کریںاسلام آباد: پاکستان مسلم لیگ (ن)کے سیکرٹری جنرل احسن اقبال نے کہاہے کہ اگر مجھے پرویز مشرف کی سزا کی حمایت کر نے پر گرفتار کیا گیا ہے تو مجھے قبول ہے ،حکومت کے اوچھے ہتھکنڈے کبھی کامیاب نہیں ہوسکتے ۔
میڈیا سے گفتگو کرتے ہوئے احسن اقبال نے کہاکہ اگر مجھے جنرل پرویز مشرف کی سزا کی حمایت کرنے پر گرفتار کیا گیا ہے تو مجھے یہ سزا قبول ہے۔ انہوں نے کہاکہ اگر مجھے گرفتار کیا گیا ہے اس لیے کہ میں نے نارووال کے عوام سے کیا گیا وعدہ پورا کیا ہے تو مجھے یہ سزا قبول ہے۔
انہوں نے کہاکہ اگر مجھے گرفتار کیا گیا ہے کہ ہے میں نواز شریف اور مسلم لیگ ن کا وفادار ہوں تو مجھے یہ سزا قبول ہے۔ احسن اقبال نے کہاکہ اگر اس لیے گرفتار کیا گیا ہے کہ میں عمران نیازی کی حکومت کے خلاف بولنے سے باز آ جاؤں گا تو یہ سزا قبول نہیں۔
یہ بھی پڑھیں: معاشی بدحالی اور قومی مفادات کے خلاف حکومتی اقدامات بے نقاب کرتے رہیں گے، شہباز شریف
