ملک بھر میں کل تمام بینکوں کی برانچز بند رہیں گی، عوامی لین دین نہیں ہوگا

کراچی: کمرشل بینکوں میں کل یکم جنوری لین دین نہیں ہوگا، تمام بینک پبلک ڈیلنگ کے لیے بندرہیں البتہ بینکوں کے تمام ملازمین معمول کے مطابق دفتر میں حاضر ہوں گے۔

اسٹیٹ بینک آف پاکستان کے ترجمان کی جانب سے جاری اعلامیے میں کہا گیا ہے کہ یکم جنوری بروز بدھ بینک تعطیل کے موقع پر تمام بینکس کی برانچز بند رہیں گی، یعنی عوامی لین دین نہیں ہوگا۔

ترجمان اسٹیٹ بینک کے مطابق تمام بینک/ ترقیاتی مالی ادارے /مائیکروفنانس بینک مذکورہ تاریخ پر عوام سے لین دین کے لیے بند رہیں گے۔

مزید پڑھیں:راولپنڈی میں قائد اعظم کالونی کیمپ سے 18 سالہ طالبہ مبینہ طور پر اغوا کرلی گئی

البتہ بینکوں کے تمام ملازمین معمول کے مطابق دفتر میں حاضر ہوں گے۔یاد رہے کہ نئے سال کے آغاز کے پہلے روز ملک بھر کے بینکس بند رہتے ہیں اور وہ اپنے صارفین کے ششماہی کھاتوں کی رپورٹ مرتب کرتے ہیں۔

تمام بینکس میں عوامی لین دین ضرور بند ہوتی مگر آپریشنل کام جاری رہتے ہیں۔ اسی طرح یکم رمضان ، مالی سال کے پہلے روز یعنی یکم جولائی کو بھی اسٹیٹ بینک کی ہدایت پر تمام بینکس بند رہتے ہیں۔