گوگل نیوز پر ہمیں فالو کریںراولپنڈی ٹیسٹ کے تیسرے دن اپنی پہلی اننگ دوبارہ شروع کرنے پر بنگلہ دیش کو پاکستان کے 448 رنز کے بڑے اسکور کے قریب پہنچنے کا چیلنج درپیش ہے جبکہ سوشل میڈیا پر اوپنر شادمان اسلام بنگلہ دیشی مداحوں کی امیدوں کا مرکز بن گئے ہیں۔
بنگلہ دیش کرکٹ ٹیم آج راولپنڈی کرکٹ اسٹیڈیم میں جاری ٹیسٹ کے تیسرے دن اپنی پہلی اننگز جاری رکھتے ہوئے ہوم ٹیم کی پہلی اننگز 6 وکٹ پر 448 رنز کے بڑے اسکور تک پہنچنے کی کوشش کی جانب اپنی طویل راہ کا آغاز کرے گی۔ جمعرات کو بنگلہ دیش کے اوپنرز ذاکر حسن اور شادمان اسلام نے دوسرے دن کا اختتام بغیر کسی نقصان کے 27 رنز پر کیا۔
اس سے پہلے دوسرے دن پاکستان کے بلے بازوں محمد رضوان اور سعود شکیل نے شاندار سنچریاں بنا کر قومی ٹیم کو پہلی اننگز میں 3 وکٹوں پر 448رنز بنانے میں مدد کی۔
محمد رضوان 239 گیندوں پر 3 چھکوں اور 11 چوکوں کی مدد سے 171 رنز بنا کر ناٹ آؤٹ رہے جبکہ سعود شکیل نے 261 گیندوں پر 9 چوکوں کی مدد سے 141 رنز بنائے اور دونوں نے پانچویں وکٹ کے لیے 240 رنز بنائے۔
بنگلہ دیش کی جانب سے باؤلرز شریف اسلام اور حسن محمود نے دو دو وکٹیں حاصل کیں۔آج بنگلہ دیشی ٹیم دوبارہ میدان میں اترے گی اور بنگلہ دیش کے اوپنرز ذاکر حسن اور شادمان اسلام اپنی ٹیم کو رنز کے پہاڑ سے بچانے کی کوشش کا آغاز کرینگے۔
