گوگل نیوز پر ہمیں فالو کریںبرسبین: بنگلہ دیش نے زمبابوے کو ٹی 20ورلڈ کپ کے 28ویں میچ میں جیتنے کیلئے 151 رنز کا ہدف دے دیا ہے۔
تفصیلات کے مطابق برسبین کے دی گبا کرکٹ اسٹیڈیم میں جاری میچ میں بنگلہ دیشی کپتان نے ٹاس جیت کر پہلے بیٹنگ کا فیصلہ کیا اور مقررہ 20 اوورز میں 7 وکٹس کے رنز پر 150 رنز بنالیے۔
ابھی ورلڈکپ ختم نہیں ہوا، حارث رؤف کی قوم کو تسلی
بنگلہ دیشی اوپنر نجم الحسین شانتو نے 55 گیندوں پر سب سے زیادہ 71 رنز بنائے۔ ان کو سکندر رضا کی گیند پر کریگ اروین نے کیچ آؤٹ کردیا۔ سومیا سرکار کوئی رن نہ بنا سکے۔
بیٹنگ کرنے والی ٹیم کے کھلاڑی لٹن داس 14، کپتان شکیب الحسن 23، عفیف حسین 29 جبکہ مصدق حسین 7 رنز بنا کر آؤٹ ہوگئے۔ یاسر علی اور نور الحسن نے 1، 1 رن بنایا اور ناقابلِ شکست رہے۔
ٹی 20 ورلڈ کپ میں آج پاکستان اور نیدر لینڈز کے علاوہ بھارت اور جنوبی افریقہ کا بھی مقابلہ ہوگا۔ قومی کرکٹ ٹیم کے لیے سیمی فائنل تک رسائی ہر گزرتے روز کے ساتھ مشکل ہوتی جارہی ہے۔
سیمی فائنل تک رسائی کیلئے قومی کرکٹ ٹیم کو اپنے تمام میچز جیتنے ہوں گے جبکہ پاکستان ورلڈ کپ میں اپنے پہلے 2 میچز میں پہلے بھارت اور پھر زمبابوے کے خلاف شکست کھا چکا ہے۔
