سندھ بھر میں موٹر سائیکل کی ڈبل سواری پر پابندی عائد

کراچی: سندھ بھر میں محرم الحرام میں امن و امان کے پیش نظر موٹرسائیکل کی ڈبل سواری پر پابندی عائد کردی گئی۔

تفصیلات کے مطابق حکومت سندھ کی جانب سے جاری اعلامیے میں بتایا گیا ہے کہ سندھ میں دفعہ 144 کے تحت 6 محرم الحرام سے 12 محرم الحرام تک موٹر سائیکل کی ڈبل سواری پر پابندی ہو گی جس کا اطلاق آج رات 12 بجے سے ہو گا۔

اعلامیے کے مطابق خواتین، 12 سال کی عمر تک کے بچے، معذور افراد، بزرگ، صحافی اور سکیورٹی اداروں کے اہلکار موٹر سائیکل کی ڈبل سواری سے مستثنیٰ ہوں گے۔

یہ بھی پڑھیں:

افغانستان میں لاپتہ ہونے والے پاکستانی صحافی انس ملک سے رابطہ ہوگیا، پاکستانی سفیر

حکومت سندھ کی جانب سے جاری کیے گئے اعلامیے میں بتایا گیا ہے کہ موٹر سائیکل کی ڈبل سواری پر پابندی کا اطلاق آج سے ہو گا۔

دوسری جانب وزیراعظم شہباز شریف نے عاشورہ کے موقع پر 2 چھٹیوں کی منظوری دی ہے،جس کے بعد نوٹیفکیشن بھی جاری کردیا گیا ۔

کابینہ ڈویژن کی جانب سے دو چھٹیوں سے متعلق جاری کئے گئے نوٹیفکیشن میں بتایا گیا ہے کہ پیر 8 اور منگل 9 اگست کو ملک بھر میں عام تعطیل ہوگی۔