بختاوربھٹو زرداری اور محمود چوہدری نے ایک دوسرے کو منگنی کی انگوٹھی پہنا دی

کراچی: سابق وزیراعظم بینظیر بھٹو اور سابق صدر آصف زرداری کی بیٹی بختاور بھٹو زرداری کی منگنی ہوگئی، بختاور اور محمود چوہدری نے ایک دوسرے کو منگنی کی انگوٹھی پہنادی۔

بلاول بھٹو زرداری کی ہمشیرہ بختاور اور محمود چوہدری نے ایک دوسرے کو انگوٹھی پہنائی۔ تقریب میں 100 سے 150 کے قریب افراد نے شرکت کی۔

سابق صدر آصف زرداری بیٹی کی منگنی کی تقریب میں ڈاکٹروں کے مشورے سے گھر پہنچے، محمود چوہدری کے اہلخانہ کا وفد 12 سے 15 افراد پر مشتمل تھا۔ بختاور بھٹو زرداری کی کراچی میں منگنی کی تقریب میں اہلخانہ اور ان کی سہیلیاں شریک ہوئیں۔

سابق وزیر اعظم بینظیر بھٹو کا سبز جوڑا سوشل میڈیا پر وائرل ہوا تھا جس کے بارے میں بتایا جارہا تھا کہ بختاور بھٹو زرداری کچھ ردوبدل کے بعد منگنی کے لیے وہی جوڑا زیب کریں گی۔

کورونا میں مبتلا بلاول بھٹو مرکزی تقریب سے دور رہے وہ بلاول ہاؤس کے مخصوص حصے میں آئسولیٹ ہیں۔ اسپتال میں زیر علاج آصف زرداری بیٹی کی منگنی کی تقریب میں کچھ دیر کیلئے آئے۔

منگنی کی تقریب میں بحریہ ٹاؤن کے ملک ریاض حسین، فاروق ایچ نائیک، سینیٹر شیری رحمان، انور مجید سمیت دیگر شخصیات نے شرکت کی، قبل ازیں بختاور بھٹو زرداری کا کہنا تھا تمام لوگوں کی دعاؤں اور محبتوں پر ان کی شکرگزارہوں،انہوں نے کہا کہ ابھی ابتداہے، کورونا کے بعد یہ خوشیاں ساتھ منائیں گے۔