گوگل نیوز پر ہمیں فالو کریںقومی کرکٹ ٹیم کے کپتان بابر اعظم نے آئی سی سی رینکنگ میں بھارتی کپتان ویرات کوہلی کو شکست دے دی ہے جس پر بھارتی سوشل میڈیا صارفین نے ناراضگی کا اظہار کیا ہے۔
سماجی رابطے کی ویب سائٹ ٹوئٹر پر اپنے پیغام میں انٹرنیشنل کرکٹ کونسل (آئی سی سی) نے کہا کہ پاکستانی کپتان بابر اعظم ویرات کوہلی سے آگے نکل گئے ہیں اور نمبرون بیٹسمین بن گئے ہیں۔
پیغام میں آئی سی سی نے کہا کہ قومی کرکٹ ٹیم کے کپتان بابر اعظم بھارتی کپتان ویرات کوہلی کو ہرا کر آئی سی سی مینز ون ڈے انٹرنیشنل رینکنگ میں پہلے نمبر پر آگئے ہیں جبکہ یہ فیصلہ ون ڈے میچز میں بابر اعظم کی کارکردگی کی بنیاد پر کیا گیا۔
Babar Azam ????????
The Pakistan captain has overtaken Virat Kohli to become the No.1 batsman in the latest @MRFWorldwide ICC men's ODI rankings ???? pic.twitter.com/krxoKRDsSY
— ICC (@ICC) April 14, 2021
یاد رہے کہ اِس سے قبل قومی کرکٹ ٹیم کے کپتان بابر اعظم نے 76 اننگز میں 13 سنچریز بنا کر کم سے کم اننگز میں زیادہ سے زیادہ سنچریز بنانے کا ورلڈ ریکارڈ قائم کردیا۔
بابر اعظم نے یہ ورلڈ ریکارڈ 12 روز قبل میزبان کرکٹ ٹیم جنوبی افریقہ کے خلاف کھیلتے ہوئے اپنے نام کیا۔ قومی کرکٹ ٹیم کے کپتان نے جنوبی افریقہ کے کھلاڑی ہاشم آملہ کا ورلڈ ریکارڈ توڑ دیا۔
مزید پڑھیں: بابر اعظم نے76اننگز میں13سنچریز بنا کر ورلڈ ریکارڈ قائم کردیا
