گوگل نیوز پر ہمیں فالو کریںکراچی: قومی کرکٹ ٹیم کے کپتان بابر اعظم ٹی 20 کرکٹ کے بڑے ایونٹ پی ایس ایل (پاکستان سپر لیگ) 7 کیلئے کراچی کنگز کے کپتان مقرر کیے گئے ہیں۔
سماجی رابطے کی ویب سائٹ ٹوئٹر پر اپنے پیغام میں کراچی کنگز نے کہا کہ بابر اعظم کو پی ایس ایل 7 کیلئے کپتان مقرر کیا گیا ہے جس کی مبارکباد پیش کرتے ہیں۔
Big Announcement for Karachi Kings Fans!
Our National Team Skipper the one and only @babarazam258 will now be the Captain of Karachi Kings as well!Good luck #KingBabarAzam for a great season ahead!#KarachiKings#YeHaiKarachi #PSL7 @Salman_ARY @wasimakramlive pic.twitter.com/26EXH74nqq
— Karachi Kings (@KarachiKingsARY) November 30, 2021
کراچی کنگز کے شیئر کیے گئے ویڈیو پیغام میں بابر اعظم نے کہا کہ کراچی کنگز میرے لیے فیملی کی مثال ہے۔ گزشتہ 5سال سے پی ایس ایل میں کراچی کی نمائندگی کرتا آیا ہوں۔
لیونل میسی نے ساتویں بار سال کے بہترین کھلاڑی ہونے کا ایوارڈ جیت لیا
چٹاگانگ ٹیسٹ، پاکستان نے بنگلہ دیش کو 8وکٹوں سے شکست دے دی
کپتان بابر اعظم نے کہا کہ ٹیم اور انتظامیہ نے مجھ پر اعتماد کیا اور کپتانی کی ذمہ داری دی۔ کوشش کروں گا کہ ایک کپتان کے کردار کو 100 فیصد نبھایا جائے۔
بابراعظم نے کہا کہ مجھے جو بھی ذمہ داری دی جائے، انجوائے کرتے ہوئے بہتر سے بہتر پرفارم کرنے کی کوشش ہوتی ہے۔ عماد وسیم نے جس طرح ٹیم کی رہنمائی کی، اسے جاری رکھنا ہے۔
انہوں نے پاکستان سپر لیگ (پی ایس ایل) کے ساتویں ایڈیشن میں کراچی کنگز کا کپتان بننے پر خوشی کا اظہار کرتے ہوئے کہا کہ میری کوشش ہوگی کہ اس بار بھی اچھا کھیل پیش کروں۔
واضح رہے کہ پاکستان سپر لیگ (پی ایس ایل) 7 آئندہ برس دسمبر کے دوسرے ہفتے میں منعقد ہوگی جس میں پاکستان سمیت مختلف ممالک کے کھلاڑی شریک ہوں گے۔
