آسٹریلیا نے 227 رنز پر اننگز ڈکلیر کردی، پاکستان کو جیتنے کیلئے 351رنز درکار

لاہور ٹیسٹ کے چوتھے روز مہمان ٹیم آسٹریلیا نے اپنی دوسری اننگز 3 وکٹوں کے نقصان پر 227 رنز پر ڈکلیر کردی ہے۔ پاکستان کو جیتنے کیلئے 351 رنز درکار ہیں۔

تفصیلات کے مطابق لاہور ٹیسٹ کے چوتھے روز مہمان ٹیم کے عثمان خواجہ 104 رنز پر ناقابلِ شکست رہے۔ ڈیوڈ وارنر نے 51رنز بنائے۔ مارنس نے 36 جبکہ اسٹیو اسمتھ 17 رنزبنا کر آؤٹ ہوئے۔ میچ کے اختتام تک ٹریوس ہیڈ 11رنز پر کھیل رہے تھے۔ 

یہ بھی پڑھیں:

پاکستان کے خلاف فیصلہ کن ٹیسٹ کا چوتھا روز، آسٹریلیا کی پوزیشن مستحکم

خیال رہے کہ اس سے قبل تیسرے اور آخری فیصلہ کن ٹیسٹ میچ کے چوتھے روز آسٹریلیا نے اپنی پوزیشن مستحکم کرلی جبکہ پہلی اننگز میں 268 رنز بنا کر آؤٹ ہونے والی قومی ٹیم کے بولرز مہمان ٹیم کے بلے بازوں کے سامنے ناکام نظر آئے۔ 

 آسٹریلین کرکٹ ٹیم پہلی اننگز میں 391رنز بنا کر پویلین لوٹ گئی تھی، تاہم دوسری اننگز میں 54 اوورز کے اختتام پر مہمان ٹیم نے صرف 2 وکٹوں کے نقصان پر 197 رنز بنائے اور 320 رنز کی برتری حاصل کرلی اور نپی تلی بیٹنگ جاری رکھی۔

چوتھے روز کے دوسرے سیشن تک آسٹریلیا نے 2 وکٹوں کے نقصان پر 202 رنز بنائے۔ عثمان خواجہ نے اپنی سنچری مکمل کرلی جبکہ اسٹیو اسمتھ 12 رنز پر ناقابلِ شکست رہے۔ مہمان ٹیم کو مجموعی طور پر پاکستان پر 325رنز کی برتری حاصل تھی۔