عطااللہ خان عیسیٰ کی بیٹی، لاریب عطا آسکر کیلیئے نامزد

پاکستان کے مشہور گلوکار عطااللہ عیسیٰ خان خیلوی کی بیٹی لاریب عطا اور ان کی ٹیم نے آسکر اور بافٹا ایوارڈ 2022 کیلیئے نامزگی حاصل کرلی۔

جیمز بانڈ سیریز کی حالیہ فلم ’نوٹائم ٹوڈائے‘ نے 94 ویں اکیڈمی ایوارڈ کے لیے ’بہترین اوریجنل سونگ‘، ’بہترین سونگ‘اور ’بہترین ویژول ایفیکٹس‘سمیت تین نامزدگیاں حاصل کی ہیں۔ فلم کی ویژول ٹیم میں پاکستان کی نوجوان آرٹسٹ لاریب عطا بھی شامل ہیں جو فلم کی ڈیجیٹل کمپوزیٹر ہیں۔

اس کے علاوہ اس ٹیم نے بافٹا 2022 میں ’بہترین اسپیشل ویژول ایفیکٹس‘کی نامزدگی بھی حاصل کی ہے۔

Our Special Visual Effects nominees 🎇

🎞️ DUNE
🎞️ FREE GUY
🎞️ GHOSTBUSTERS: AFTERLIFE
🎞️ THE MATRIX RESURRECTIONS
🎞️ NO TIME TO DIE #EEBAFTAs pic.twitter.com/yrgwx0eoiS

— BAFTA (@BAFTA) February 3, 2022

اپنی ٹیم کی آسکر اور بافٹا ایوارڈز کی نامزگیوں کے حوالے سے بات کرتے ہوئے، لاریب عطا نے کہا کہ ”میں اپنی فلم کی آسکر اور بافٹا ایوارڈز سے متعلق ملنے والے تمام پیغامات اور تعاون کا شکریہ ادا کرتی ہوں، میں بہت خوش قسمت تھی کہ مجھے ایک بہترین ٹیم کے ساتھ کام کرنے کا موقع ملا” ۔

خیال رہے کہ لاریب عطا کا تعلق پنجاب کے علاقے عیسیٰ خیل سے ہے اور وہ پاکستان کے لیجنڈری گلوکار عطا اللہ خان عیسیٰ خیلوی کی بیٹی ہیں۔

یہ بھی پڑھیں:

ایمن خان کے انسٹاگرام فالوورز کی تعداد 1 کروڑ سے تجاوز کر گئی، ویڈیو ریلیز

مزید برآں وہ دنیا کی نوجوان فی میل وی ایف ایکس (ویژول ایفیکٹس) آرٹسٹ میں سے ایک ہیں جو کہ ہالی ووڈ کے چند بڑے پراجیکٹس میں کام کرچکی ہیں جن میں ’گوڈزیلا‘، ’ایکس مین‘اور ’مشن امپاسبل ؛ فال آؤٹ‘شامل ہیں۔