غزہ کو مکمل خاموش کرانے تک حملے جاری رہیں گے،نتین یاہو کی ہٹ دھرمی

تل ابیب: اسرائیل کے وزیراعظم بینجمن نتین یاہو نے اپنی ہٹ دھرمی کو بر قرار رکھتے ہوئے مظلوم فلسطینیوں کو پھر دھمکی دے ڈالی، نیتن یاہو کا کہنا تھا کہ غزہ کو مکمل خاموش کرانے تک حملے جاری رہیں گے۔

واضح رہے کہ بائیڈن نے اسرائیلی وزیراعظم سے ٹیلی فونک رابطہ کیا تھا، اس کے بعد توقع کی جارہی تھی کہ شاید غزہ کی کشیدہ صورتحال میں کمی آئے اور جنگ بندی کا کوئی راستے نکلے گا تاہم اب تمام امیدیں ختم ہوتی جارہی ہیں۔

I spoke with 70 foreign Ambassadors and diplomats today in Tel Aviv.

I shared with them the truth and the facts about Israel's rightful battle to defend its people. https://t.co/4kh6fUcfQ2

— Benjamin Netanyahu – בנימין נתניהו (@netanyahu) May 19, 2021

امریکی صدر کے ٹیلی فونک رابطے کے کچھ ہی دیر بعد اسرائیلی وزیراعظم کی ایک نئی ویڈیو جاری ہوئی ہے جس میں وہ دھمکی دیتے نظر آ رہے ہیں کہ غزہ کو مکمل خاموش کرانے تک حملوں کو جاری رکھا جائے گا۔

اسرائیلی وزیر اعظم کا اپنے ویڈیو بیان میں کہنا ہے کہ فلسطینی جنگجوؤں کے خلاف آپریشن جاری رکھا جائے گا۔ امریکی صدر کا شکریہ ادا کرتے ہوئے کہا کہ وہ جوبائیڈن کے مشکور ہیں جنہوں نے کہا ہے کہ ان کا ملک اسرائیل کو اپنے دفاع کا حق استعمال کرنے کا تحفظ کرتا ہے۔

اسرائیلی وزیر اعظم نے کہا کہ اسرائیلی شہریوں کی سلامتی ہمارے اولین مقاصد میں شامل ہے، جب تک یہ حاصل نہیں ہوجاتا، یہ جنگی آپریشن جاری رکھا جائے گا۔اور فلسطینی جنگجوؤں کے خلاف آپریشن کو جاری رکھا جائے گا۔