گوگل نیوز پر ہمیں فالو کریںگوجرانوالہ: مسلم لیگ (ن) کے سینئر رہنما عطا تارڑ نے کہا ہے کہ نواز شریف کی پاکستان آمد کی تاریخ اٹل ہے جبکہ عمران خان کئی سال تک جیل میں قید رہیں گے۔
تفصیلات کے مطابق گوجرانوالہ میں کنونشن سے خطاب کرتے ہوئے عطا تارڑ نے کہا کہ عمران خان کئی سال تک جیل سے باہر نہیں آئیں گے جبکہ نواز شریف کی وطن واپسی کی تاریخ اٹل ہے جس میں کسی ردوبدل کا امکان نہیں۔
جعلی انجکشن، متاثرہ افراد کا مفت علاج کروائیں گے۔محسن نقوی
خطاب کے دوران عطا تارڑ نے کہا کہ گوجرانوالہ کی دھرتی نواز شریف کی ہے، ہم سیاسی جدوجہد کیلئے ڈٹ کر کھڑے ہوئے اور ہتھکڑی کو زیور کی طرح پہن لیا تاہم جہلم کے چوہدری نے چوہدریوں کی ناک کٹوا دی۔
ن لیگی رہنما عطا تارڑ نے کہا کہ اندھے بہروں کے ٹولے کو صحیح غلط کی تمیز نہیں ہے جو اپنے کالے کرتوتوں کی وجہ سے جیل گئے۔ نواز شریف 21 اکتوبر کو وطن واپس آئیں گے۔ وطن واپسی کی تاریخ میں ردوبدل نہیں ہوگا۔
عطا تارڑ نے خود احتسابی کی ضرورت پر زور دیتے ہوئے کہا کہ میں اپنی پارٹی سے بھی کہتا ہوں کہ پارٹی کے اندر احتساب کرنا ہوگا، نظر رکھی جائے کہ کون اکیلا اور کون قافلے لے کر آتا ہے، دوہرے معیار پر عمل نہیں ہونا چاہئے۔
