گوگل نیوز پر ہمیں فالو کریںکراچی: ملک کی سینئر اداکارہ عتیقہ اوڈھو نے ذہنی و جسمانی تشدد کا شکار نوجوان خواتین کو انتہائی اہم مشورہ دیا ہے۔
سوشل میڈیا کی فوٹو اور ویڈیو شیئرنگ ایپ انسٹاگرام اکاؤنٹ پر حال ہی میں اداکارہ عتیقہ اوڈھونے ایک تصویر شیئر کی جس میں انہوں نے اُن تمام خواتین کو تعلقات کو ختم کرنے کا مشورہ دیا جن کے ساتھ ان کے شریک حیات یا پارٹنر تضحیک آموز رویہ اختیار کرتے ہیں۔
View this post on Instagram
سینئر اداکارہ کا اپنی شیئر کی گئی پوسٹ میں کہنا تھا کہ خود جوانی میں ایسے رشتوں اور تعلقات کی وجہ سے ذہنی و جسمانی تشدد اور تضحیک کا شکار ہوچکی ہیں، اس لیے اب وہ اس امید کے ساتھ نوجوان خواتین کو مشورہ دے رہی ہیں کہ ان کی باتوں سے سبق حاصل کریں۔
انہوں نے لکھا کہ جب بھی کوئی ساتھی یا شریک حیات کسی خاتون کی تضحیک کرتا ہے یا اسے تشدد کا نشانہ بناتا ہے تو خاتون کو اس کا رویہ برداشت نہیں کرنا چاہیے کیونکہ اگر خاتون یہ رویہ سہتی رہے گی تو یہ سب برداشت کرنے کی عادت ہوجائے گی اور وہ اپنا ذاتی تشخص برباد ہوجائے گا۔
مزید پڑھیں:شہناز گل کے والد کو ٹیلی فون پر قتل کی دھمکیاں
سینئر اداکارہ کا کہنا تھا کہ وہ سمجھتی ہیں کہ یہ ان کا فرض ہے کہ وہ نوجوان خواتین کو اس حوالے سے آگاہی دیں کہ تشدد اور تضحیک آموز رویوں سے کس طرح محفوظ رہ سکتی ہیں۔
