گوگل نیوز پر ہمیں فالو کریںمعروف گلوکار عاطف اسلم کی ہسپتال کے باہر غریبوں کو راشن تقسیم کرنے کی ویڈیو سوشل میڈیا پر وائرل ہوگئی۔
ویڈیو ہسپتال کے باہر سی سی ٹی فوٹیج سے لی گئی ہے جس میں عاطف اسلم کو گاڑی سے باہر اُتر کر راشن کے تھیلوں کو لوگوں کو دیتے ہوئے دیکھا جاسکتا ہے۔
ویڈیو ڈاکٹرسید منان مظہر نے شیئر کی ہے، انہوں نے کہا کہ کل ایک شخص ہسپتال آیا تھا جس نے پہلے لوگوں کی تعداد معلوم کی اور پھر اُن کو راشن کے تھیلے دے کر چلا گیا۔
’میں اور ڈانس‘ ایک دوسرے کے دشمن ہیں، فواد خان
ڈاکٹر کے مطابق وہ شخص اپنی شناخت ظاہر نہیں کرنا چاہتا تھا لیکن جب ہم نے اس شخص کی شناخت معلوم کرنے کیلئے سی سی ٹی وی فوٹیج چیک کی تو معلوم ہوا کہ یہ نیک دل شخص عاطف اسلم ہے۔
ویڈیو وائرل کرنے کے حوالے سے اُن کا کہنا تھا کہ میں عاطف اسلم کی نیک دلی کو دنیا کے سامنے لانا چاہتا تھا اسی لئے ویڈیو سوشل میڈیا پر شیئر کی۔
خیال رہے کہ سوشل میڈیا پر عاطف اسلم کی یہ ویڈیو بہت زیادہ وائرل ہورہی ہے اورصارفین گلوکار کے اس عمل کی بہت تعریف کررہے ہیں۔
