عاطف اسلم مشکل میں مبتلا، مداحوں سے دعاؤں کی درخواست

کراچی: ملک کے معروف گلوکار عاطف اسلم نے مداحوں سے ان کے والد کی جلد صحت یابی کے لیے دعاکی درخواست کی ہے۔

گزشتہ رور انسٹاگرام اسٹوری پر معروف گلوکار نے بتایا کہ کچھ روز قبل ان کے والد کو دل کا دورہ پڑا تھا۔ عاطف اسلم نے یہ تکلیف دہ خبر مداحوں کے ساتھ شیئر کرتے ہوئے بتایا پچھلے کچھ روز کافی مشکل تھے۔

لیکن آپ سب کی محبت اور تعاون سے میرے والد دل کے دورے سے صحت یاب ہورہے ہیں۔عاطف اسلم نے کہا میں آج آن لائن نہیں آسکوں گا تاہم میں اپنے والد کے صحت یاب ہونے کے بعد آپ تمام لوگوں سے ملاقات کا منصوبہ بنارہا ہوں۔

عاطف اسلم نے تمام مداحوں کا انہیں ویڈیوز، گانے اور خوبصورت ایڈیٹس بھیجنے کے لیے بھی شکریہ ادا کیا اور کہا جب میرے والد صحت یاب ہوجائیں گے تو میں آپ کے تمام پیغامات پڑھوں گا۔

مزید پڑھیں: کیٹی پیری کی ‘ڈارک ہارس’ کی خلاف ورزی کے مقدمے میں بڑی جیت

عاطف اسلم نے پوسٹ کے آخر میں تمام مداحوں سے درخواست کی کہ انہیں اور ان کے والد کو اپنی دعاؤں میں یاد رکھیں کیونکہ آپ سب کے بغیر میں کچھ نہیں۔