گوگل نیوز پر ہمیں فالو کریںلاہور: فیروز والا کے علاقے میں فیکٹری میں سلنڈر پھٹنے سے عمارت میں خوفناک آتشزدگی کے باعث خواتین اور بچوں سمیت 12 افراد جاں بحق جبکہ متعدد زخمی ہوگئے۔
لاہور کے علاقے فیروزوالا میں امامیہ کالونی کے قریب نجی ڈائننگ فیکٹری میں سلنڈر کے دھماکے سے دو منزلہ عمارت میں آگ بھڑک اٹھی تھی آگ لگنے سے خواتین اور بچوں سمیت 12 افراد جاں بحق جبکہ متعدد زخمی ہوگئے۔
کئی زخمیوں کی حالت تشویش ناک بتائی جاتی ہے جس کے باعث ہلاکتوں میں اضافے کا خدشہ ہے،جاں بحق ہونے والوں میں ایک ہی خاندان کے پانچ افراد شامل ہیں جن میں 2 بچے، 2 خواتین اور ایک مرد ہیں۔
آگ کی شدت اتنی زیادہ تھی کہ فیکٹری کے اندر ایک عمارت زمیں بوس ہو گئی جبکہ اس کے ساتھ نمکو بنانے والی فیکٹری بھی مکمل طور پر تباہ ہو گئی اور دیگر گھروں میں بھی دراڑیں پڑگئی، حفاظتی اقدامات کے پیش نظر تمام ملحقہ گھروں کو خالی کرالیا گیا ہے۔
یہ بھی پڑھیں: سائٹ میں دوروز قبل نالے میں گرنے والی 4 سالہ نور فاطمہ کی لاش مل گئی
